Ang NaKaMaTa o Nagkahiusang Kabataan Aron Katungod Matagamtaman (usa ka  alyansa sa mga batang babae nga naa sa kadalanan sa Davao City) nagkahiusa karong October 11, 2020 para sa International Day of the Girl Child.  Nanawagan kami sa Davao City Government ug labaw na sa Sangguniang Kabataan ug Barangay Council for the Protection of Children (BCPC) nga gahinan ug pondo ang mga programa alang sa mga kabatan-onan maski naay COVID-19 Pandemic.   Ang mga batang babae nag-atubang ug lain-laing issues na nisamot karong pandemic sama sa teenage pregnancy, kalisdanan sa pag-eskwela, sexual abuse and exploitation labi na sa online, ug uban pa. Nagatuo mi nga dili hadlang ang Pandemic para ma-implementar ang mga programa ug serbisyo alang kanamo . Importante lang nga ipatuman ang mga health protocols panahon sa pagpahitabo sa mga serbisyo. Kini among mga sugyot nga puede gamitan sa budget sa SK ug BCPC: 

• Iapil kaming mga kabataan nga makalingkod, madunggan, ug makonsulta panahon sa Council Sessions labi na sa BCPC.
• Pagpalig-on ug pagpadayon sa paghatag ug serbisyo sa mga batang naabuso labi na karong dunay Covid19.
• Pa-activities sa mga bata aron malikayan ang sigeg paglaag. Nagatuo mi na importante ang pagsunod sa health protocols ug dili kinahanglan magsocial gathering aron maka-activity ang mga kabataan. Pwede pud magamit ang online platform para sa ubang bata.   Mao ni among mga sugyot:
  • Arts and Crafts Workshop or Parol-making sulod sa mga panimalay aron mahimong dekorasyon panahon sa Pasko;
  • Pagpakusog sa awareness raising campaign nga mahimong ipaagi sa Infographics (Posters/Videos) nga pwede pud mapost online, o kaya Group Video Chat Online. PUede sad magpa-contest sa paguapohay ug infomercials alang sa mga kabataan ug mga ginikanan gamit ang nagkain-laing online platforms (sama sa Tiktok/Facebook); ang infomercials mopunting sa impormasyon bahin sa COVID-19, tamang buhaton sa police/tanod pag makit-an ang bata sa dalan, ug lain-laing child abuse issues, labi na sa Online Sexual Abuse and Exploitation, Teenage Pregnancy, ug pagpang-abuso sa ginikanan o law enforcers. Kauban diri ang pagpahibalo unsaon pag-report ug kang kinsa mo-report sama sa KIAN GABRIEL HOTLINE.
• Paggahin ug budget alang sa educational support sama sa school supply sets; paghatag ni Sangguniang Kabataan ug tutorial assistance, ug pagconvert sa mga dili gigamit nga mga fasilidad sa barangay as tutorial/review centers.
• Pagconduct ug roving sa mga tanod ug uban pang enforcers para marescue ang mga bata nga nagalaag gihapon sa dalan ug mahatagan ug tamang interbensyon. Importante nga dili abusuhon sa mga tanod o police ang mga kabataan ug dili dayon sila dapatan.
•  Ipadayon ang paghatag ug reproductive health services sa mga kabatan-onan apil na ang paghatag ug sexual reproductive health ug contraceptives
• Pag-open ug mobile kitchens ug paghatag ug mga vitamins labi na para sa mga bata nga malnourished.
• Paghatag ug personal hygiene kits (apil ang sabon, napkins,alcohol, ug uban pa) sa mga bata ug ilang pamilya.
• Pagseguro nga “#SANA ALL” maapil pinaagi sa fair distribution sa mga serbisyo ug paghatag ug priority sa mga kabataan nga tua sa mga suok-suok nga mga purok.

NaKaMaTa or Nagkahiusang Kabataan Aron Katungod Matagamtaman is a child-led organization comprised mostly of Adolescent Girls on the Streets of Tambayan Center for Children’s Rights, Inc. of Davao City.